मूळखडकामधून निर्माण होणाऱ्या माती प्रकारच्या अनुषंगाने आणि त्यातून मिळणाऱ्या पोषक घटकांप्रमाणे एखाद्या ठिकाणाची जैविक संपदा ठरते. पोषण आणि ओलाव्याच्या मर्यादित कालावधीमुळे खडकावर मातीचा अत्यल्प थर असणाऱ्या सडे-कातळांवर अतिशय वैशिष्ट्यपूर्ण वनस्पती वाढतात. प्रतिकूल परिस्थितीत तग धरण्यासाठी येथील वनस्पतींमध्ये खास adaptations पाहायला मिळतात जसे, कमी पाण्यात उगवणाऱ्या, छोटे जीवन चक्र असलेल्या, पर्यायी पोषण मिळवू शकणाऱ्या (जसे कीटकभक्षी वनस्पती), अन्न साठवू शकणाऱ्या, साचलेल्या पाण्यात उगवू शकणाऱ्या, इ.